රොබෝ කෙනෙක්

මෙන්න ටෙක් ලෝකෙන් අලුත් අප්ඩේට් එකක්. චීනයේ ඉංජිනේරුවන් ලෝකයේ පළමු වතාවට රොබෝ කෙනෙක් පාවිච්චි කරලා වෝල්ට් 10,000 ක (10kV) සජීවී විදුලි රැහැනක් (live power line) සාර්ථකව අලුත්වැඩියා කරලා තියෙනවා. සාමාන්‍යයෙන් මේක ඉලෙක්ට්‍රිෂියන් කෙනෙකුට කරන්න තියෙන ගොඩක් අනතුරුදායක රාජකාරියක්.

Hubei Electric Power Research Institute සහ Wuhan State Grid කියන ආයතන එකතු වෙලා තමයි මේ රොබෝ තාක්ෂණය නිර්මාණය කරලා තියෙන්නේ. මේ රොබෝට ලේසර් තාක්ෂණය සහ ඉතා නිවැරදිව වැඩ කරන රොබෝ අත් (robotic arms) පාවිච්චි කරලා වයර් වල කවර (insulation) ඉවත් කරන්න, වයර් සම්බන්ධ කරන්න සහ ඒවයේ ඇණ තද කරන්න පුළුවන්.

පාරිභෝගිකයන්ට විදුලිය විසන්ධි වීමක් නොවෙන්න, සාමාන්‍යයෙන් මේ අලුත්වැඩියාවන් කරන්නේ විදුලිය තියෙද්දීමයි (live power). ඒ කියන්නේ පොඩි වැරදීමකින් වුණත් ජීවිත හානියක් වෙන්න ඉඩ තියෙනවා. හැබැයි මේ රොබෝට දුරස්ථව (remotely) මේ වැඩේ කරන්න පුළුවන් නිසා, සේවකයන්ට විදුලි සැර වැදීමේ අවදානම සම්පූර්ණයෙන්ම නැති වෙනවා.

ඉංජිනේරුවන් පෙන්වා දෙන්නේ මේ තාක්ෂණයත් එක්ක අනාගතයේදී බලශක්ති ක්ෂේත්‍රයේ තියෙන භයානකම රස්සාවකින් මිනිස්සුන්ව අයින් කරලා, විදුලිබල පද්ධති නඩත්තු කිරීමේ වැඩකටයුතු සම්පූර්ණයෙන්ම වෙනස් කරන්න පුළුවන් කියලයි. සරලවම කිව්වොත්, අනාගතයේදී රොබෝවරු විදුලි රැහැන් හදද්දී, මිනිස්සුන්ට බිමට වෙලා ඒක පාලනය කරමින් ඉන්න පුළුවන් වේවි.

ඉතින් ඔයාලා මොකද හිතන්නේ මේ ගැන? ඉස්සරහට මේ වගේ අවදානම් වැඩ සේරම රොබෝලා බාරගනීවිද? ඔයාලගේ අදහස පල්ලෙහායින් කමෙන්ට් කරගෙන යන්න

උපුටා ගැනීම: Sanjana Sandanayaka