දැන් කාලේ AI ගැන ඇහෙන කතාත් එක්ක ගොඩක් අයට තියෙන ලොකුම බය තමයි “ඉස්සරහට මිනිස්සුන්ට ජොබ් නැති වෙයිද?” කියන එක. මේ අතරේ තමයි Google ලා Project Genie (Genie 3) කියලා අලුත්ම වැඩක් පටන් ගත්තේ. මේක ගැන ඇහුවම ඇත්තටම හිතෙනවා Gaming ඩිවලොපර්ස්ලගේ job එකත් නැති වෙයිද කියලා.
Project Genie කියන්නේ මොකක්ද?
සරලවම කිව්වොත්, ඔයා Genie එකට ගිහින් “මට ඕනේ table එකක් උඩ දුවන අත් කකුල් තියන කාඩ්බෝඩ් පෙට්ටියක් ඉන්න ගේම් එකක්” කියලා ලිව්වොත්, Genie එක ඒ වෙලාවෙම ඒ ගේම් එක හදලා දෙනවා.
එතනින් නතර වෙන්නේ නැතුව, ඔයාට ඒ ගේම් එකේ ඉන්න කැරැක්ටර් එක කීබෝඩ් එකෙන් හරි ජොයිස්ටික් එකෙන් හරි පාලනය කරන්නත් පුළුවන්!
මේකේ තියෙන පුදුමේ තමයි, මේ AI එක කවදාවත් ගේම්ස් හදන්න ඉගෙනගෙන නැහැ. මේක කරන්නේ මිලියන ගණනක වීඩියෝ බලලා, “ආ… මිනිහෙක් පැන්නොත් මෙහෙමයි වෙන්නේ”, “බෝලයක් ගැහුවොත් මෙහෙමයි යන්නේ” කියලා තනියම ඉගෙන ගත්තු දේවල් වලින් ගේම් එකක් නිර්මාණය කරන එක.
ඇත්තටම Game Developers ලා ඉවරද?
මේක දැක්කම ඕනෙම කෙනෙක්ට හිතෙන්නේ “ඇයි තවදුරටත් ඩිවලොපර්ස්ලා?” කියලා.
හැබැයි ඇත්ත කතාව මේකයි.
1.ඩිවලොපර්ස්ලට මේක උදව්වක්:
ගේම් එකක පරිසරය (Background), ගස් කොළන්, ගොඩනැගිලි අඳින්න යන ලොකු කාලයක් මේකෙන් ඉතිරි කරගන්න පුළුවන්. ඩිවලොපර්ස්ලට තියෙන්නේ AI එක හදන දේවල් තවත් ලස්සන කරලා සුපිරි ගේම් එකක් අවුට් කරන එක.
2.පොඩි අයට ලොකු අවස්ථාවක්:
ඉස්සර ගේම් එකක් හදන්න ලොකු කොම්පැනි එකක් වෙන්න ඕනේ. හැබැයි දැන් මේ වගේ ටූල්ස් ආවම, තනියම ගේම් එකක් හදන්න හිතාගෙන ඉන්න කෙනෙක්ට වුණත් ලොකු වියදමක් නැතුව වැඩේ කරගන්න පුළුවන්.
3.තවම පටන් ගැන්ම විතරයි:
Genie එකෙන් දැනට හදන ගේම්ස් වල ග්රැෆික්ස් හරියට පරණ වීඩියෝ ගේම්ස් වගේ. GTA 6 වගේ සුපිරි ගේම්ස් AI එකෙන් හදන්න තව සෑහෙන කාලයක් යයි.
අන්තිමට මොකද වෙන්නේ?
Project Genie කියන්නේ ඩිවලොපර්ස්ලව අයින් කරන “යම රජෙක්” නෙවෙයි, ඒක හරියට හරියට කැල්කියුලේටරයක් වගේ දෙයක්. කැල්කියුලේටරේ ආවා කියලා ගණිතඥයෝ නැති වුණේ නැහැනේ? ඒ වගේම තමයි මේකත්.
හැබැයි මෙහෙම දෙයක් වෙන්න පුලුවන්
ඔයාට යාලුවෝ එක්ක සෙල්ලම් කරන්න shooting ගේම් එකක් ඕනේ මේක multiplayer වෙන්න ඕනේ මේක වතුර යට එකක් වෙන්න ඕනේ මේ වගේ ඔයාගේ fantasy එකකට අදාලව යම් කිසි limit එකක් ඇතුලේ හොද graphics තියන ගේම් එකක් හදාගන්න පුලුවන් කම ලැබෙයි.
ඉස්සරහට අපිට පුළුවන් වෙයි අපේම හිතේ තියෙන ගේම්ස් වචන දෙක තුනකින් හදාගෙන සෙල්ලම් කරන්න. හැබැයි ඒවයේ ඇතුළේ තියෙන හැඟීම්, ලස්සන කතාව සහ අලුත් අලුත් අත්දැකීම් දෙන්න මිනිස් ඩිවලොපර්
කෙනෙක් අනිවාර්යයෙන්ම ඕනේ වෙනවා.
කෙටියෙන්ම කිව්වොත්:
ඩිවලොපර්ස්ලා ඉවර නැහැ, හැබැයි AI පාවිච්චි කරන්න ඉගෙන නොගන්න ඩිවලොපර්ස්ලා නම් අනිවාර්යයෙන්ම අමාරුවේ වැටෙයි!
උපුටා ගැනීම : මුහුණු පොත (Gen AI)
