Hutch දුරකථන ජාලය භාවිතා කරන පාරිභෝගිකයින්ගේ WhatsApp ගිණුම් වෙත කිසිදු ක්ලික් කිරීමකින් තොරව අනවසරයෙන් ඇතුළුවීමේ (Zero-click compromise) Hack වීම් සහ OTP කෙටි පණිවිඩ නොලැබීමේ බරපතළ ගැටලුවක් පිළිබඳව මේ වන විට දැඩි කතාබහක් නිර්මාණය වී තිබෙනවා. මෙම තත්ත්වයට මුහුණ දුන් පරිශීලකයින් සඳහන් කරන්නේ Two-Factor Authentication (2FA) ආරක්ෂණ ක්රමවේදයන් සක්රීය කර තිබියදී පවා මෙලෙස ගිණුම් වෙත අනවසරයෙන් ප්රවේශ වීමේ සිදුවීම් වාර්තා වන බවයි.
අදාළ ගැටලුව හේතුවෙන් ගිණුම් යථා තත්ත්වයට පත් කරගැනීමට උත්සාහ කිරීමේදී Hutch සිම්පත් වෙත OTP කෙටි පණිවිඩ නොපැමිණීමේ ගැටලුවක් ද මතුව තිබෙනවා. කෙසේ වෙතත් වෙනත් දේශීය දුරකථන ජාලයන්හි සිම්පත් සඳහා කිසිදු බාධාවකින් තොරව මෙම OTP කේත ලැබෙන පසුබිමක, මේ සම්බන්ධයෙන් Hutch පාරිභෝගික සේවා අංශය මෙන්ම විදුලි සංදේශ නියාමන කොමිෂන් සභාව (Telecommunications Regulatory Commission of Sri Lanka) ද මෙතෙක් නිසි සහනදායී ප්රතිචාරයක් හෝ ස්ථිර විසඳුමක් ලබා දී නොමැති බවටයි පාරිභෝගිකයින් චෝදනා කරන්නේ.
උපුටා ගැනීම : The Sri COM
